Sior Sindaco,

el me permeta de dirghe do' parole. El gh'à da saver cossa sta sucedendo ne le piasse de la cità.

Da quando émo leto sui giornali locali le letere de quei che i dise che el centro storico el gh'a da farse piassè vivo, piassè moderno e con piassè parcheggi e che l'è ora che la Sovrintendensa la le moca de far tante storie, qua è scopià un gran casin!  No gh'è più tranquilità: tuti i siori de le piasse i è in rivolta.

El piassè vecio de tuti, el Sior Giove, l'è talmente incassà che, quando el te varda, par che dai oci ghe vegna fora fulmini; la Siora Venere  la svien en continuassion; la Siora Atena – la piassè giovane e forse anca un poco scalmanada – l'è sul pié de guera; el bocia, Mercurio, nol fa che corer de qua e de là per organizar la riunion congiunta coi siori del condominio de l'altra piassa.  E no ghe digo del Sior Ercole: gh'è cascà i cojoni quando l'ha leto la letera!

Mi fasso quel che posso par mantegner la calma e el sangue fredo. Ma l'è dura!

Quei de la Piassa dei Signori i è furibondi! Lori, cossita colti, cossita aristocratici! El Sior Catulo nol vol più saverne de scriver poesie! El siensiato, come se ciamelo (el me scusa Sior Sindaco, ma son vecioto e ogni tanto me desmentego i nomi), ah, sì, el Sior Fracastoro: l'ha dito che se ghe capita a tiro quei mona che i pensa che la so piassa l'è adatta ai canti, ai bali, ai zughi e ai comissi, l'è pronto a molarghe in testa ‘na  bala de piera! El Sior Maffei po', el ghe n'a fato ‘na vera tragedia!

 Par non parlar de quei altri! L'architeto, el Sior Vitruvio, che l'è za furioso parchè noi ghe neta mai el vicolo dove el abita (quelo ciamà Volto del Mercato Vecchio) e parché i ghe lassa sempre biciclete e cassoneti dele immondisie davanti a la porta de casa, nol g'ha più parole (e quando  el parla no se capisse niente, gnanca el parlasse en latinorum!). El Sior Noris (che el gh'è poco a casa perché l'è un sbrindolon, sempre in giro par el mondo, a Roma e a l'università de Pisa), quele poche volte che el se vede, l'è sempre rabià parchè no i l'ha ancora  iscrito su le liste elettorali e nol pol mai andar a votar: ecco, Lu el n'a mandà ‘na email da la Svessia – l'è ospite par un poco de la Siora Christina de Svessia – disendo che se no femo qualcosa el convoca un concilio e el fa scomunicar tuta la çità!

E per finir, el Sior Panvinio - quelo che studia tanto le vecie piere e che nol vede altro che gli antichi fasti, Lu, puareto, l'è za en depression da quando i g'ha ritirà la patente per un goto de massa (l'avea provà anca a far pression tramite el so' amigo, es Sior Farnese, ma gnente da far!), e adesso no'l sa più a che santo votarse!

Insomma, Sior Sindaco,  g'ò  paura che i me deventa tuti dei rivolusionari, dei sovversivi!

E mi, che son sempre qua, che no me sciodo mai dal me posto, mi le sento le ciacole de la gente e dei turisti! Tuti col naso par aria, tuti a fotografar tuto: lori i è tuti stufi de ‘sto casin che gh'è, de tute ste manifestasioni, de la musica alta, de la cagnara, de ‘sto va e vien de camion de le imondissie e de furgoni e furgonsini che i riempie tutta la piassa. Tuti quanti a dir che no se pol tratar el saloto de casa come se el fosse un sgabusìn , un campo da balon  o un parco zughi!

De Veronesi , mi ghe n'ho visti e conosudi tanti: e se l'è vero che i è tuti mati, l'è anca vera che no i è miga tuti semi!

El me scusa, Sior Sindaco, par lo sfogo e la poca elegansa, ma qua no ghe la femo proprio più!

Con ossequio e reverensa,

                                                                                                                                Berto Barbarani,

                                                                                                                         la sentinela de le piasse

Contenuti correlati

Il cacciatore perde il pelo . . .
Il cacciatore perde il pelo . . . I cacciatori vorrebbero spacciarsi per ambientalisti, la loro rivista si dà un gran da fare per accreditare questa nuova immagine, ma poi, alla prova dei fatti,... 1940 views Mario Spezia
La Fritillaria
La Fritillaria Alla scoperta di fiori rari.Ci sono cose che col tempo diventano delle vere e proprie ossessioni. Un po' come quando, al passaggio di una bella donna, un p... 1636 views Mario Spezia
Interzona presenta la Video Arte
Interzona presenta la Video Arte Venerdì 15 febbraio primo appuntamento con la rassegna che Interzona dedica per la prima volta ai giovani video artisti italiani.Nel 2008 l'Associazione cultura... 1474 views alice_castellani
Lo tsunami delle Infrastrutture Venete
Lo tsunami delle Infrastrutture Venete Una superstrada di dimensioni paragonabili al passante di Mestre ( la Superstrada Pedemontana Veneta - SPV) potrebbe attraversare il "Complesso di Villa Agostin... 1449 views alberto_passi
Fa che la neve cada ancora
Fa che la neve cada ancora Fabio Rossari fu giovane di belle speranze, fece studi classici e divenne medico. Lavorò come psichiatra nelle strutture pubbliche e se ne andò presto, stroncat... 1791 views fabio_rossari
La Affi-Pai non si fa più!
La Affi-Pai non si fa più! Stavolta è vero: insieme, siamo riusciti a fermare questo mostro. Attenti ai prossimi!Sono stati mesi densi di notizie e anticipazioni, sembrava sempre che si f... 1719 views maria_cristina
Ex cava Speziala: quale futuro?
Ex cava Speziala: quale futuro? Martedì 24.04.2012 ore 21.00 INCONTRO CON I CANDIDATI SINDACI DI VERONA E LA CITTADINANZA PRESSO: IL CENTRO POLIFUNZIONALE di Via Anselmi a San MassimoNonostant... 1755 views Mario Spezia
Chi ce l' ha più. . . alto
Chi ce l' ha più. . . alto Italia Nostra e Legambiente criticano le scelte dell' Ammministrazione Comunale sulle ex Cartiere.L'assessore alla pianificazione, avvocato Giacino, come suo co... 1710 views giorgio_massignan_e_lorenzo_albi