Grande omaggio a Verona da parte di uno dei più grandi poeti dialettali di tutti i tempi: Tolo da Re.

Verona: boca che ride

tra 'l monte e la pianura

Verona: un "si" da sposa

ai brassi verdi de l'Adese

che i palpa,

i la caressa,

che streta i se la tien.

Verona de San Zen

vescovo pescador

de anime e de trote,

moro de pèle,

amigo dei pitòchi:

pàr che ‘l li varda ancora

co l'òcio tondo de la so ciesa,

largo,

maraveià.

Verona de la Bra:

che l'è ‘n anel da festa

co l'Arena par brilante.

Verona de Piassa Dante,

calda, sentà,

nemiga de la prèssia,

la gà in corpo Venessia

ma in l'anima Cangrande.

Verona che se spande

nei colori de Piassa Erbe,

maridando in beléssa

i toni grisi dei palassi veci

col verde dei radeci,

el gialo de la suca,

el rosso de le fraghe.

E quela Costa picà via

l'è na virgola de poesia

veronese balénga,

sempre viva

Verona de Sotoriva

coi pòrteghi che itien in coparèla

na rosària de secoli

che ga i caroi

ma che l'è sempre fresca,

che l'è de piera

e mai no la ghe pesa.

Verona de la cesa:

el Vescovado,

el Domo,

che mete in sudissiòn

tute intorno le case

che le pàr pensierose

e le tase,

e le prega.

Verona de la Carega

che pàra via i pensieri:

la canta,

la sganàssa,

la dise tuto co na parolassa

vècia, nostrana e mata.

Verona stefanata

che vive da pitòca el sogno lustro

de na pignata d'oro.

E la strùssia ma l'è contenta

e l'alegria e la passiènsa

mai no ghe cala.

Verona de l'amor:

da Giulieta e Romeo

ai basi a scotadéo

longo l'Adese

quando vien sera.

Verona cusiniera:

le paparèle,

i gnochi,

bigoli co la renga

la bona pastissada,

el dìndio,

la pearàda,

polenta coi osèi,

le tripe,

el minestron.

Verona del vin bon

che l'è paron de casa

de le mile ostarie:

in piassa o in fondo ai vicoli,

nete o sporche,

bele o brute,

ma gh'è nel cor de tute

na parola che la fa sponsàr la vita.

Verona: boca che ride

tra ‘l monte e la pianura

primadòna sicura

da la vosse che no stona mai.

Contenuti correlati

Sostieni Il Carpino col tuo 5x1000
Sostieni Il Carpino col tuo 5x1000 Hai la possibilità di sostenere le nostre iniziative e Veramente.org indicando nella tua dichiarazione dei redditi Il Carpino cod. fisc. 93196980234Breve riepil... 1634 views Mario Spezia
Energia verde? No, grazie!
Energia verde? No, grazie! Da gennaio è possibile avere energia elettrica verde nel contatore. Un espediente per pulirsi la coscienza e alleggerire il portafoglio, senza effetti pratici.S... 1931 views Michele Bottari
Negazionisti alla pearà
Negazionisti alla pearà Dopo Pelanda, altri 'intellettuali' veronesi negano l'impatto dell'uomo sul clima. Colpa della cultura del dogma e dalla verità rivelata.Quando nella letteratur... 1261 views dallo
Pietro Lunardi, ministro della Repubblica.
Pietro Lunardi, ministro della Repubblica. Ha dell'incredibile l'intervista rilasciata ieri a "Repubblica" dall'ex Ministro delle Infrastrutture, Pietro Lunardi. "Diego Anemone nel 2002, o forse 200... 2180 views antonio_borghesi
Fra i Frassini e i Biancospini
Fra i Frassini e i Biancospini I pennacchi di un bel colore bianco-panna del Frassino e i festoni carichi di fiorellini bianchi del Biancospino ornano e profumano i vaj e le dorsali delle nos... 4343 views Mario Spezia
Emergenza o normalità?
Emergenza o normalità? Ci troviamo sempre più spesso ad affrontare situazioni di emergenza o di calamità. Ci stiamo facendo l'abitudine, ma i costi diventeranno presto insostenibili.P... 1789 views Mario Spezia
Settimana Europea per la Riduzione dei rifiuti
Settimana Europea per la Riduzione dei rifiuti Dal 20 al 28 novembre 2010 la seconda edizione della European Waste Week Reduction. Gli scopi della Settimana Europea per la Riduzione dei Rifiuti possono ... 1617 views redazione
L'irresistibile scempio del Nassar
L'irresistibile scempio del Nassar Un residuo del vecchio PRG consegna al partito del cemento una zona di esondazione, a pochi metri dall'Adige. È la fine del rapporto tra la nostra terra e le ri... 1250 views giorgio_massignan